ما يدوم غير الصح...
شحال من زواق طار،
شحال من "ثوار" ولٌاو عار،
شحال من "سبع" ولًا فار..
***
شحال من وجه غبر،
شحال من قلم تكسر،
شحال من كلام تبخر..
***
شحال من موقف راح،
شحال من شعار تلاح،
شحال من "واقف" طاح..
***
شحال من "رمز" تهز،
شحال كثر من الطنز،
شحال انتشر من خنز..
***
شحال من جبان بان،
شحال من محتال كان،
شحال من "بطل" خان..
***
شحال ما تكذب وتخربق.. ما يدوم غير الصح والحق..
شحال ما تحلف وتحرف.. ما يدوم غير الصح وبلا لف..
بدم الشهداء، وما قفلتي لا فورتي..
شارك هذا الموضوع على: ↓
0 تعليقات المدونة
